Gəncə şəhəri Nizami Gəncəvi Muzeyində “Gənc Mədəniyyət İşçilərinin I Mübadilə Proqramı: İnkişaf və Strateji Planlama” layihəsi çərçivəsində təlim sessiyasının ikinci günündə Nizami Gəncəvi Muzeyinin direktoru Teymur Əliyev “Mədəniyyət işçisinin liderlik bacarıqları və motivasiyası” mövzusunda təlim apararaq iştirakçılara şəxsi inkişaf və komanda idarəçiliyi sahəsində faydalı biliklər təqdim etmişdir.
Layihə, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “Gənclər İnkişaf Naminə” İctimai Birliyinin təşkilatçılığı ilə həyata keçirilir.
Təlim gənc mədəniyyət işçilərinin peşəkar inkişafına, onların gələcək fəaliyyətlərində daha effektiv və innovativ yanaşmalar tətbiq etməsinə töhfə vermək məqsədi daşıyır.
