Gəncə şəhəri Nizami Gəncəvi Muzeyində “Gənc Mədəniyyət İşçilərinin I Mübadilə Proqramı: İnkişaf və Strateji Planlama” layihəsi çərçivəsində təlim sessiyaları təşkil olunmuşdur. Layihə, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “Gənclər İnkişaf Naminə” İctimai Birliyinin təşkilatçılığı ilə həyata keçirilir.
Təlim proqramı gənc mədəniyyət işçilərinin strateji düşünmə, idarəetmə və liderlik bacarıqlarının inkişafına yönəlib.
Təlim çərçivəsində Azərbaycan Texnologiya Universitetinin İnnovasiya Mərkəzinin direktoru Şamo Salayev “Strateji planlaşdırma” mövzusunda çıxış edərək 25 nəfər gənc mədəniyyət işçisi ilə öz peşəkar təcrübəsini bölüşmüşdür.
Təlim gənc mədəniyyət işçilərinin peşəkar inkişafına, onların gələcək fəaliyyətlərində daha effektiv və innovativ yanaşmalar tətbiq etməsinə töhfə vermək məqsədi daşıyır.
