Strateji hədəflərinə çatan, qlobal oyunçu rolunda çıxış edəcək Azərbaycan – Mövqe

Cənab Prezident İlham Əliyevin yürütdüyü xarici siyasətin hədəfi təkcə Azərbaycanın  inkişaf etmiş güclü və qüdrətli dövlətə inkişaf edərək beynəlxalq aləmdə  böyük nüfuza malik  olmaq deyil, həmçinin bütövlükdə yerləşdiyi Cənubi Qafqaz bölgəsində dayanılqı sülhün, sabitliyin, təhlükəsizliyin təmin olunaraq, Avrasiya coğrafiyasının bir əməkdaşlıq qovşağına çevrilməsidir.
Bunu Ölkə.az-a açıqlamasında Milli Məclisin Gənclər  və idman komitəsinin sədri Şahin İsmayılov deyib.
Komitə sədri bildirib ki,  Azərbaycanın yürütdüyü çoxvektorlu xarici siyasət bütövlükdə regionun davamlı inkişafına, həmçinin qlobal sülhə və təhlükəsizliyə xidmət edir: “Cənab Prezident İlham Əliyevin 2003-cü ildən indiyədək bu istiqamətdə yürdütüyü  siyasət öz bəhrəsini verib və verməkdədir. Bunun nəticəsi olaraq  dünyada ən mürəkkəb  münaqişələrdən biri hesab edilən Ermənistan-Azərbaycan münaqişəsində  sülhə nail olunub və artıq Cənubi Qafqaz yeni bir inkişaf mərəhləsinə daxil olub. İndi isə əsas hədəf   bölgədə dayanıqlı sülhü və təhlükəsizliyin təmin edilməsi məqsədi ilə bölgəni Avrasiya  coğrafiyasının əməkdaşlıq  qovşağına çevrilməsinə nail olmaqdır. Artıq biz bu istiqamətdə yürütdüyü uğurlu siyasət öz bəhrəsini görməkdəyik.  Bunun üçün  cənab Prezidentin son bir neçə ayda yürütdüyü siyasətə nəzər yetirmək kifayətdir.
Prezidentin  Çinə son işgüzar  səfəri və “ŞƏT+” formatında keçirilən Zirvə görüşündə iştirakı  Azərbaycanın strateji hədəflərinə nail olunması istiqamətində həyata keçirdiyi siyasətin tərkib hissəsidir. Çində keçirilən ikitərəfli görüşlər və əldə olunan razılaşmalar təkcə Azərbaycanla Çin arasında ikitərəfli əlaqələrin inişafına deyil, bütövlükdə regional əməkdaşlığın inkişafına töhvə verən görüşlər idi.  Çin şirkətləri ilə keçirilən görüşlərdə energetika, nəqliyyat, tikinti, informasiya texnologiyaları, süni intellekt, turizm  kimi sahələrdə əməkdaşlıq və bu sahələrə investisiyaların cəlb edilməsi  regionda iqtisadiyyatın diversifikasiyasına, inteqrasiyanın gücləndirilməsinə, yeni iş yerlərinin yaradılmasına və inkişafına geniş imkanlar açacaq.
Bir sözlə Azərbaycan-Çin münasibətlərinin inkişafı Mərkəzi Asiya, Qafqaz, Yaxın Şərq və Avropa arasında əlaəqlərin daha da inkişafına, yeni əməkdaşlıq formatlarının quurlmasına öz müsbət töhfəsini vermiş olacaq.
Cənab Prezidenti “ŞƏT+” formatında keçirilən sammitdə çıxışı da məhz  Azərbaycanın strateji hədəflərinin beynəlxalq aləmə mesajı idi.
-Azərbaycanla Çin arasında hərtərəfli strateji tərəfdaşlıq bağları mövcuddur və bu özündə  iki ölkə arasında siyasi, iqtisadi-ticari, sərmayə, enerji, nəqliyyat-logistika sahələrini, rəqəmsal iqtisadiyyatın, elm və texnologiyanın, təhsil, mədəniyyət, turizm sahəsində əməkdaşlığı ehtiva edir.  Bu əməkdaşlıq isə regional əməkdaşlığın inkişafında müstəsna rola malik olacaq.
-Azərbaycan beynəlxalq sülhün, təhlükəsizliyin və inkişafın təşviqi məqsədilə Çin tərəfindən irəli sürülmüş Qlobal İnkişaf Təşəbbüsünü, Qlobal Təhlükəsizlik Təşəbbüsünü və Qlobal Sivilizasiya Təşəbbüsünü fəal şəkildə dəstəkləyir.
– Beynəlxalq və regional sülhün və təhlükəsizliyin qorunmasına töhfə verən Azərbaycan bu niyyətini həyata keçirmək üçün genişmiqyaslı iqtisadi, nəqliyyat və enerji layihələri həyata keçirir. Bu istiqamətə yürüdülüən siaysət nəticəsində Azərbaycan Avrasiyanın nəqliyyat-logistika mərkəzlərindən birinə çevrilib.Azərbaycan beynəlxalq nəqliyyat dəhlizlərini fəal şəkildə inkişaf etdirərək müasir infrastruktur yaradır.
-Azərbaycanın nəqliyyat-logistika  qovşağına çevrilməsi  Şərq-Qərb və Şimal-Cənub dəhlizləri yeni iqtisadi və nəqliyyat perspektivləri yaradıb. Orta Dəhliz Azərbaycan vasitəsilə Şərqlə Qərbi, “Şimal-Cənub” dəhlizi isə Şimal Buzlu okeandan cənubda Hind okenaındaək olan ərazini ən qısa yolla bilrəşdirir. Yaxın gələcəkdə reallaşacaq  Zəngəzur dəhlizi həm Orta Dəhlizin, həm də Şimal-Cənub dəhlizinin növbəti mühüm seqmentinə çevriləcək. Buda öz növbəsində sülhü, çoxtərəfli tərəfdaşlığı möhkəmləndirəcək və Azərbaycan sərhədinin şərqində, qərbində, şimalında və cənubunda yerləşən yaxın və uzaq qonşularımıza fayda gətirəcək.
Bu mesajların  mahiyyəti ondan ibarət idi ki, Azərbaycanın yürütdüyü xarici siyasətin ana xəttini  qlobal sülhün və təhlükəsizliyin təmin olunması və bütün ölkəlrələ sıx qarşılıqlı maraqlara əsaslana qaydada əməkdaşlıq formatlarının qurulmasıdır. Əminliklə qeyd edə bilərik ki, cənab Prezidentin liderliyi altında Azərbaycan qarşısnda duran strateji hədəflərinə çatan və  beynəlxalq miqyasda  güclü geosiyasi mövqeyə malik,   qlobal miqyasda  ciddi oyunçu qismində çıxış edən bir ölkə olacaq”.