Qərbi Azərbaycanın mədəni irsini, tarixi ənənələri qorumaqla, yeni, müasir simada təqdim edən Qərbi Azərbaycan Təravəti brendinə məxsus mağazanın açılışı oldu.
Qərbi Azərbaycanın milli-mədəni irsini özündə əks etdirən qədim tarixə malik naxışların əks olunduğu premium məhsulları artıq mağazadan əldə edə bilərsiniz.
Qeyd edək ki, Qərbi Azərbaycan Təravəti layihəsi Qərbi Azərbaycanın zəngin mədəni və təbii irsini müasir dövrün tələblərinə uyğun şəkildə yaşatmaq, qorumaq və dünya bazarına təqdim etmək məqsədini daşıyan geniş miqyaslı bir təşəbbüsdür.
Bu layihə, ölkənin ənənəvi sənətkarlıq sahələrini müasir istehsal texnologiyaları ilə birləşdirərək, həm iqtisadi inkişafı təmin etməyi, həm də bu əzəmətli irsi beynəlxalq səviyyədə tanıtmağı hədəfləyir.
Qərbi Azərbaycan, zəngin xalçaçılıq ənənələri, qədim sənətkarlıq texnikaları, mədəni dəyərlər və təbii sərvətləri ilə tarixən özünəməxsus bir yer tutmuşdur. Layihə, bu dəyərləri müasir istehsal metodları ilə birləşdirərək, həm yerli, həm də beynəlxalq bazarlarda prestijli bir brend yaratmağı məqsəd qoyur.
Yeni açılmış mağaza Nərimanov rayonu, Mirzə Qədim İrəvani küçəsində yerləşir.
