İctimai.az informasiya portalının 5 yaşı tamam olur.
24 dekabr 2019-cu ildə yaradılan informasiya portalında hər gün ölkəmizdə və dünyada müxtəlif sahələri əhatə edən xəbər, müsahibə, reportajlar yayımlanır.
Portal 5 il ərzində özünəməxsus fəaliyyət xətti ilə seçilib və qısa müddət ərzində kifayət qədər geniş izləyici auditoriyası formalaşdırmağa müvəffəq olub.
Öz fəaliyyətində obyektivlik və operativlik prinsiplərini əsas götürən informasiya portalına istifadəçilər təkcə Azərbaycandan deyil, xarici ölkələrindən də daxil olurlar.
İctimai.az informasiya portalı Azərbaycanda fəaliyyət göstərən ictimai – siyasi təşkilatlar, sosial qruplar, dövlət qurumları ilə əməkdaşlıq edir, yerli və beynəlxalq əhəmiyyətli tədbir və layihələrin, sosial aksiyaların informasiya dəstəkçisi kimi çıxış edir.
İctimai.az informasiya portalı 2023-cü ilin mart ayından etibarən Azərbaycan Respublikasının Medianın İnkişafı Agentliyinin reyestrindən keçərək fəaliyyətini davam etdirməkdədir.
