9 noyabr 2024-cü il tarixdə Milli Məclisin deputatı Səyyad Salahlı, Yeni Azərbaycan Partiyası Saatlı rayon təşkilatının sədri Elşən Əzizov və məsul işçilər Vətən müharibəsində Şəhidlik zirvəsinə yüksələn İbrahimov Elmir Akif oğlunun şəhadətə ucalmasının dördüncü ildönümü münasibəti ilə təşkil olunan mərasimdə iştirak etdilər, ruhuna dualar oxudular. Həmçinin Vətən müharibəsində Şəhidlik zirvəsinə yüksələn Əhmədli Şahid Gülməmməd oğlunun evində ailə üzvləri görüş keçirilib. Şəhid ailələri dövlət tərəfindən onlara göstərilən yüksək diqqət və qayğıya görə Müzəffər Ali Baş Komandan cənab İlham Əliyevə və Heydər Əliyev Fondunun Prezidenti, Azərbaycan Respublikasının Birinci vitse-prezident Mehriban xanım Əliyevaya öz razılıqlarını və təşəkkürlərini bildirdilər.
Deputat Səyyad Salahlı diqqətə çatdırıb ki, şəhidlərin xatirəsinə ehtiram, onların ailələrinə və qazilərə qayğı hamımızın vətəndaşlıq borcudur. Xalqımız heç zaman Vətən müharibəsi şəhidlərini unutmayacaq, onların ailələrini və qazilərimizi hər zaman uca tutacaqdır.
Milli Məclisin deputatı Səyyad Salahlı eyni zamanda vətəndaş qəbulunda iştirak edərək seçiciləri maraqlandıran sualları cavablandırıb, bəzi məsələlərin yerindəcə həllinə nail olunub və digər məsələlərin həlli üçün isə müvafiq strukturlar məlumatlandırılıb.
